الرئيسية / WhatsApp / اضحك مع الحالة الجوية المتوقعة لغاية يوم الخميس القادم

اضحك مع الحالة الجوية المتوقعة لغاية يوم الخميس القادم

ميديا نيوز انس العمواسي انس العمواسي

تنبيه النشرة بالعامية عشان ما نتفلسف

السبت 23 01 2016

بتقوم الصبح بتشمط فنجان قهوة والمرة عندك بتكون ناشرة الغسيل من اليوم عشان تلحق تلمه قبل الظهر لانه بعد الظهر في شوية شتا
وبعد العصر والمغرب بيصير مطر كثيير ومع #برد

#التحذيرات :

لا تنسى تامن حالك بكيس خبز وقلن كاز وكستنا وجيب شاحن portable وجيب كيلو فحم ومعسل وبزر

الاحد 24 01 2016

الصبحيات بتكون نازلة شتا كتير وبرد وبتبلش تندف ثلج ع عجلون ومناطق الشمال وبعدين الظهر بتوصل عمان الغربيه وبعديها بتوصل كل عمان ثلج
بس باليل ببلش الصح يا معلمين
عمان كلها بيجها ثلج #ردو علي
ورح يربى زي ما بدك وزياده

#التحذيرات :

ما حدا يقل عقلو ويطلع وهي بتثلج لانه اذا زحلقت يا مسخمط /ة
بتقضي ليلتك وانت بتتوجع
ودفي حالكم منيح
واطبخو عدس

الاثنين 25 01 2016

بتصبح الصبح بوجه مرتك وبعدين بتفتح الشباك بتلاقي الدنيا بيضا
ورح يضل ينزل ثلج والجو #لندني
بعد الظهر والمسا ماركا والبلد والعبدلي ببلش يربى فيها الثلج مزبوط
باليل شوي شوي بتصير تثلج بس الدنيا بتكون تجمد

#التحذيرات

برضو تقلش عقلك وتطلع باليل بلاش تلتفح

الثلاثاء 26 01 2016

الصبحيات بيجينا منخفض جديد يا حبايبي
وثلج كوام كوام
وبالليل بيصير الجوي روسي بس ناقصو روسيات(يا رب المدام ما تشوف هالجمله)

#التحذيرات

تقلش عقلك وتطلع برضو تراني عم بنبهك

الاربعاء 27 01 2016
بتقوم الصبح بتشوف الدنيا بيضا …. بس مع العصر بتبلش الغيوم تروح
وبببلش السقعه واللقعه #والحليته مع الليل

#التحذيرات

اذا طلعت باليل بتنقطم رقبتك يا حزين

الخميس 28 01 2016

بكفيكو ثلج فجع يفجعكم

نصائح عامه :
1-امن حالك بالخبز منبح ولا تجيب خبز طابون لانه #بينشف
2-جيب معسل منيح يكفيك اسبوع
3- الي مرته بتتوحم  احكيلها شو ناوية تتوحمي
4- الي بدو يتواصل معي يتواصل معي عالخاص عشان اشرحله منيح
5- جيب فلقه شده عشان التركس يا كبير

كان معكم المتنبئ الجوي

انس العمواسي

x

‎قد يُعجبك أيضاً

سلاح الجو الملكي يحوز على أكبر مروحية في العالم

وصلت إلى جناح النقل الجوي في مطار ماركا العسكري الأربعاء، الطائرة المروحية MI-26 T2 لتنضم ...

Translate »
%d مدونون معجبون بهذه: