الرئيسية / الرئيسية / ليش التشفي ..!

ليش التشفي ..!

MNC – عبد الهادي راجي المجالي 

  لما صدام حسين وقف ع المشنقه ورفض القناع …شو سميناه ..سميناه بطل … لما وصفي التل ..ألف رجاء إنطلق إلو ما ايسافر ع القاهره…وقرر أيسافر ويستشهد ..شو سميناه ..سميناه بطلنا وتاج راسنا لما هزاع …اتناثرت أشلاء جسدو …في سماء عمان ..وأختار درب الصعب ..شو سميناه ..سميناه بطلنا … لما النقيب فريد الشيشاني بحرب ال 73 اتدمرت المدرعه وخلصت الذخيره ..هجم ع اليهود بأظافروا ..واستشهد ع الشيك شو سمينا فريد يومها ..سمينا شهيد الجيش وأنبل وأحلى عيالنا ..وأشرس ضباط اللواء اربعين لما دلال المغربي بنت ال(19) إخترقت حدود فلسطين ..وإحتجزت الباص الإسرائيلي وكانت قائدة عملية فدائية ..وقتلت (30) يهودي ..شو سميناها …سميناها عروس الثوره …لكونها بنت ما كملت عشرين سنه …ونحرها باراك نحر …وظهرت صورتوا في جريدة معاريف وهو بسدد الطلقه لراسها …بس دلال بتظل دلال … إطلعوا لحزب الله …نض قادتوا العسكريين قتلتهم إسرائيل ,, وحسن نصر الله بقابلهم في إبتسامه …الجيش السوري في الحرب ..راح منو ( 55) ألف عسكري …ولساتوا صامد … في مصر مبارح (40) ضابط وجندي إستشهدوا بعملية إرهابية .. وطلعت أم شهيد تحكي بكل ثقه ( إبني راح فداءا لمصر) … اطلعوا لغزه …الأم اللي عرضوها قبل فتره أربعه من أولادها إستشهدوا في الحروب مع إسرائيل …ولما عملت معها الجزيره لقاء …حكت هدول فداءا لفلسطين …هدموا البيوت ع روسهم قتلوا أطفالهم ..مجازر أقاموا فيهم … وفي النهايه بتطلع أم فلسطينيه من غزه وبتحكي ..والله لنهدم بيوتهم فوق روسهم زي ما هدموا بيوتنا … ليش مستكثرين ع البلد طيار رهينه …الأردن مو زغير …الأردن ولد في النار …الأردن مو هش ..ولا كرتون ..الأردن قوي …عيب هاظ التباكي ..عيب هاظ الإنهيار …عيب التشفي …هو أنا بكون معارض إذا بستغل قصة معاذ حتى أتشفى بالدولة ….اللي بصير مو تعاطف مع معاذ ..اللي بصير تسديد حسابات وتشفي وتصيد للبلد وجيشها وحضورها وتاريخها ..معاذ غالي علي ..ويشهد الله إنو مثل إبني …بس إبني مو أغلى من وصفي التل ..ولا أغلى من هزاع المجالي ..ولا أغلى من ألوف العسكر الشهداء اللي راحوا بفلسطين ..ولا أغلى من (60) مواطن أردني ذبحهم الإرهاب في تفجيرات عمان …ولا أغلى من الأردن …كلهم بروحوا بس الأردن بظل …. اللي عندو مسؤولية وطنيه ..وبفهم شو معنى الوطن ..ع الأقل بهاي اللحظة العصيبة ما بتشفى بالأردن ..الله يحميك يا أردن وأتظل عامر صامد ..كبير بأهلك وناسك وشعبك وجيشك … عبدالهادي راجي المجالي

x

‎قد يُعجبك أيضاً

مباشر … انطلاق القمة الإسلامية بإسطنبول لبحث القرار الأمريكي

نطلقت صباح الأربعاء قمة إسلامية طارئة دعت إليها تركيا لبحث قرار الرئيس الأميركي بإسطنبول الاعتراف ...

Translate »
%d مدونون معجبون بهذه: